Бугунги кунда бутун дунёга катта хавф солиб турган пандемия Мамлакатимизни ҳам четлаб ўтгани йўқ. Хабарингиз бор расмий маълумотларга кўра кундан-кунга касалланиш кўпайиб бормоқда. Жуда кўплаб корхона ва ташкилотлар онлайн ишлаш тизимига ўтди. Лекин аҳолига алоқа хизматини кўрсатиш учун “Ўзбектелеком” АК Хоразм филиали муҳандис ва техник ходимлари тинимсиз меҳнат қилишмоқда. Халқимизнинг телекоммуникация хизматларига бўлган эҳтиёжи бугун ҳар қачонгидан ҳам кўра ошиб кетди.
Ҳар бир хонадонга интернет зарур бўлмоқда. Шу сабабли халқимизга юқори тезликдаги интернет ва телекоммуникация хизматларини кўрсатиш мақсадида янги алоқа линияларини тортиш ва телекоммуникация тармоғини бутун вилоят миқёсида кенгайтириш ишлари тўхтатилмасдан амалга оширилиб келинмоқда.
Шунингдек, олис-чўл худудларидаги аҳоли яшаш пунктлари, умумтаълим мактаблари, мактабгача таълим муассасалари, соғлиқни сақлаш тизимидаги шифохоналар ҳамда маҳалла фуқаролар йиғинларигача туманлар марказидан 100-200 кмгача бўлган масофада оптик толали алоқа кабеллари ёткизилиб сифатли телекоммуникация-интернет хизматлари кўрсатиш учун техник шароитлар яратилмоқда.
Афсуски ижтимоий тармоқларда “Ўзбектелеком” АК яхши хизмат кўрсатмаяпти, интернет тезлиги паст деган фикрларга дуч келмоқдамиз.
Юқоридагилардан келиб чиқиб, соҳа ходимларининг бугунги меҳнатини тўла ҳис қилган ҳолда, улар ҳам қайсидир оиланинг фарзанди, кимнингдир отаси эканлигини, лекин ҳаётини хавф остига қўйиб, касалликни юқтириб олиш эҳтимоли юқорилигини билган ҳолда халқимизга хизмат кўрсатиб келмоқда.
Соҳа ходимларининг машаққатли меҳнатини қўллаб-қувватлайсиз деган умиддамиз.