Туманимизда тадбиркорлар сони яна биттага кўпайди.

     Муҳтарам юртбошимииз Ш. Мирзиёев томонидан тадбиркорларга берилаётган кенг имкониятлар, ўз самарасини бермоқда. Кундан-кунга ошиб бораётган ишбилармонларимиз сафи, яна биттага кўпайди. Хива тумани, Бўстон маҳалла фуқаролар йиғини ҳудудида, хусусий тадбиркор, Полвонов Наврўз темир-бетон маҳсулотлари ишлаб чикариш корхонасига асос солди.
     3000 кв/м ҳудуд ер майдонига эга бу корхона, етти ҳилдан ортиқ маҳсулот ишлаб чиқаришга мўлжалланган бўлиб, 20 нафардан зиёд фуқароларимизни иш билан таъминлаш режалаштирилган. Бундай корхоналарни ортиб бориши, табиийки рақобатни юзага келтиради. Рақобат эса ишлаб чиқарилган маҳсулотларни сифатли ва энг муҳими  арзон бўлишига замин яратади. Ҳалқимизга бундай қулайликларни яратаётган тадбиркорларимизга, эл-юрт хизматидан чарчаманглар деб, уларнинг сафи кенгайиши тилакдошимиз.

        Хива туман ҳокимлиги Ахборот хизмати