Ўзбекистон Республикаси Президентининг Фармонига мувофиқ Республика Байналмилал маданият маркази ташкил этилганининг 20 йиллиги муносабати билан миллий маданий марказларнинг бир гуруҳ фаоллари фахрий унвон, орден ва медаллар билан тақдирландилар.

Шулар қаторида Хоразм вилояти татар миллий маданий маркази раиси, Хоразм вилояти халқ таълими бошқармаси қошидаги “Ёшлик” жисмоний тарбия ва спорт жамияти раисининг ўринбосари Шахмаев Равкат Рашидович ҳам мамлакатимизда миллатлараро дўстлик, ҳамжиҳатлик ва тотувликни янада мустаҳкамлашга, ёш авлодни ватанпарварлик, инсонпарварлик, мустақиллик ғояларига садоқат руҳида тарбиялашга, миллий маданий марказлар фаолиятини ривожлантиришга қўшган салмоқли ҳиссаси учун “Ўзбекистон Республикасида хизмат кўрсатган ёшлар мураббийси” фахрий унвони билан мукофотланди.