Xorazm viloyati hokimligi rasmiy sayti
Gerb Bayroq Madhiya Davlat mukofotlari Bosh sahifa Mobil versiya Sayt xaritasi Forum
Хоразм вилоят хокимлиги расмий веб сайтига хуш келибсиз!   Click to listen highlighted text! Хоразм вилоят хокимлиги расмий веб сайтига хуш келибсиз!
Белгиланган матнни тинглаш учун ушбу тугмани босинг Матнни тинглаш!
0(362) 223-00-18
Ish tartibi 900 - 1800
  • xorazm.uz

    Yurtboshimizning tabiri bilan aytganda, Xorazm «O‘zbek davlatchiligining ilk tamal toshi qo‘yilgan muqaddas zamin!». Insoniyat tamadduni o‘choqlaridan hisoblanmish bu ko‘hna yurtdan ne-ne buyuk allomalar, qomuschi olimlar, ahli donishlar, avliyo-anbiyolar yetishib chiqgan.

  • xorazm.uz

    Istiqlol tufayli yurtimizdagi qadim shaharlar va qal’alar, madaniyat o‘choqlarini ko‘rish, ziyorat qilish uchun yetti iqlimdan kelayotgan sayyohlarning soni yildan-yilga oshmoqda. Jahon bizning mo‘tabar yurtimizni ko‘rishga orzumand!

  • xorazm.uz

    Prezidentimizning “2013-2015 yillarda Xorazm viloyati sanoati salohiyatini rivojlantirish dasturi to‘g‘risida”gi tarixiy qaroridan keyin amaliyotga allaqachon tatbiq qilinayotgan ulkan qurilishu ta‘mirlash, eng zamonaviy asbob-uskunalar keltirish, kerakli mutaxassislarni o‘qitish, o‘rgatish jarayoni jadal yo‘lga qo‘yildi.

  • xorazm.uz

    Xalqimiz dasturxonining fayziyobligi, bozorlarimizning to‘kinligiyu oziq-ovqat mahsulotlarining serobligi, arzonligi, bir so‘z bilan aytganda yurtimiz farovonligi bobodehqonlarimizning mehnati mahsulidir. Xorazm voxasi qishloq xo‘jaligi soxasida xam yetakchilardan hisoblanadi.

Fotoalbom

» Barcha fotoalbomlar

Videoteka

» Barcha video fayllar

Tarix

Xorazm: Kecha va bugun
Xorazm o‘zining qadim tarixi, boy madaniyatiga ega bo‘lgan O‘zbekistondagi e’tiborga molik hududlardan biridir. Insoniyatning ilk yozma yodgorliklaridan biri hisoblangan zardushtiylikning muqaddas kitobi “Avesto” shu diyorda yaratilgan. Bundan uch ming yillar ilgari ham Xorazmning o‘z yozuvi mavjud edi. Batafsil...


Xorazm haqida bitiklardagi ilk yozuvlar. DORO I ning Behsutun bitigi
(eramizdan avvalgi 521-486 yillar)

Ushbu bitik Karmanshoh yaqinidagi dengiz sathidan 152 metr yuqoriroqda bo‘lgan Behsutun qoyasiga o‘yib yozilgan. Bitikning yuqorisida ulkan barelef mavjud. Unda to‘qqiz nafar shoh va urug‘larning boshliqlari qo‘llari bog‘langan va bo‘yinlariga sirtmoq solingan holda Doroning oldida turgani tasvirlangan. Ularning o‘ninchisining ustiga shoh oyog‘ini qo‘yib turibdi. Bitik besh ustun va 414 satrdan iborat. U uch tilda bitilgan (elam, bobil va eski fors tillarida). Batafsil...



Mard yigitlar xizmatga otlandi
09.02.2018

Prezidentimizning 2018 yil 13 yanvardagi "O‘zbekiston Respublikasi fuqarolarini muddatli harbiy xizmatga navbatdagi chaqiruvi hamda belgilangan xizmat muddatlarini o‘tab bo‘lgan harbiy xizmatchilarni Qurolli Kuchlar rezerviga bo‘shatish to‘g‘risida”gi qarori ijrosi doirasida Xorazm viloyati mudofaa ishlari boshqarmasi yig‘in punktida yoshlarni muddatli harbiy xizmatga kuzatish marosimi o‘tkazildi.
 Viloyat hokimligi,  davlat va jamoat tashkilotlari vakillari, mehnat faxriylari, bo‘lajak askarlarning ota-onalari ishtirok etgan tadbirda milliy armiyamizni  yanada takomillashtirish borasida amalga oshirilayotgan islohotlar haqida so‘z bordi. Qurolli Kuchlarimiz saflarini yurtimiz tinchligi, sarhadlarimiz daxlsizligi va xalqimiz osoyishtaligini ishonchli himoya qilishga qodir, jismonan va ma’nan barkamol harbiylar bilan ta’minlash bo‘yicha amalga oshirilayotgan ishlar munosib e’tirof etildi.
– Bolaligimdan harbiy libos kiyib Vatan himoyachisi bo‘lishni orzu qilar edim, – deydi Urganch tumanidan bo‘lajak askar Mart Odamboev. –Shu bois Mudofaaga ko‘maklashuvchi Vatanparvar tashkilotining o‘quv kursida aloqachi mutaxassisligi bo‘yicha tahsil oldim. Bugun  ezgu niyatim amalga oshganidan juda baxtiyorman. Ammo bunga erishish oson bo‘lgani yo‘q. Tarix, o‘zbek tili va adabiyoti, matematika fanlaridan o‘tkazilgan test sinovlari va jismoniy tayyorgarlik bo‘yicha sinovlarda yaxshi natijalarga erishganim bois, saralanganlar qatoridan o‘rin oldim. Maqsadim muddatli harbiy xizmatdan so‘ng shu sohada oliy ma’lumot olib  professional harbiy bo‘lish.
Yigitlarni muddatli harbiy xizmatga kuzatish uchun kelgan  ota-onalari, oila a’zolarining qalblarida hayajon,yuzlarida quvonch balqib turibdi.
–Vatan oldidagi yigitlik burchini o‘tash uchun otlangan mard o‘g‘lonlar orasida o‘g‘lim Umidjon ham bor, – deydi Urganch shahridan Zulayho Boboniyozova. – Farzandimning bo‘y etib, el koriga yaraganidan ko‘nglim osmon qadar yuksaldi.Maydonda harbiy libosda saf tortgan bo‘lajak askarlar yuz-ko‘zidagi g‘ayrat-shijoat, o‘ziga ishonch va qat’iyatni ko‘rib qalbimda g‘urur va iftixor tuyg‘ulari jo‘sh urdi. Barcha yigitlarga bildirilgan yuksak ishonchni oqlab, xizmatni a’lo darajada, sharaf bilan o‘tashlarini tilayman.
Tantanali marosimda bo‘lg‘usi askarlar bilan bir piyola choy ustida dildan suhbat qurilib, ularga viloyat hokimligining esdalik sovg‘alari topshirildi. 
Tadbirda Xorazm viloyati hokimi I.Sobirov ishtirok etdi.
                                                     Odilbek Odamboev