Ўзаро манфаатли ҳамкорликни мустаҳкамлаш йўлида
Хоразм вилояти ҳокимининг биринчи ўринбосари Қ.Игамбергенов бошчилигидаги ишбилармон доира вакилларидан иборат делегация расмий ташриф билан Қозоғистон Республикаси Шимолий Қозоғистон вилояти Петропавловск шаҳрига етиб келди.Шимолий Қозоғистон вилояти ҳокими Кумар Аксакалов билан Хоразм вилояти делегациясининг расмий учрашуви бўлди. Унда икки вилоят ўртасидаги ҳамкорликнинг истиқболли йўналишлари ва қўшма бизнес лойиҳаларини амалга ошириш амалиёти муҳокама қилинди.
- Минтақамиз Россия Федерацияси билан чегарада жойлашган бўлиб, аграр вилоят ҳисобланади. Тахминан 4 миллион гектар майдон турли экинлар, шу жумладан, 5 миллион тоннадан зиёд дон экилди. Қозоғистон Республикаси ҳудуди бўйлаб Европа ва Хитой ўртасида темир йўл юкларининг 70 фоиздан кўпроғи Шимолий Қозоғистон вилоятидан ўтади, бу эса катта имкониятларга эга. - Ўз навбатида, Ўзбекистондан пахта маҳсулотлари, сабзавот ва мевалар импорт қилинади. Қадимий Хива ва Урганч сайёҳларни жалб қилган узоқ тарихга эга шаҳарлардир. Бизнинг ҳудудимиз эса мавжуд 2500 та кўллари билан машҳур, демак биз туризм соҳасидаги ҳамкорлигимизни хам янада ривожлантиришимиз зарур, - дейди вилоят ҳокими К.Аксакалов
Учрашув давомида Хоразм делегацияси аъзолари Шимолий Қозоғистон вилояти раҳбарини Ўзбекистондаги қулай сармоявий муҳит, қишлоқ хўжалиги маҳсулотлари экспорти ва транспорт логистикаси билан яратилган минтақанинг ишбилармонлик муҳити билан таништирди.
Ташриф давомида Хоразм вилояти ишбилармон доира вакиллари делегацияси Петропавловскдаги энг йирик инфратузилма объектларини бориб кўриши, Шимолий Қозоғистон вилоятининг бизнес ҳамжамияти билан музокаралар олиб бориши ва Хоразм ва Шимолий Қозоғистон вилояти ўртасидаги ҳамкорлик меморандумларини имзолаши кутилмоқда.
Хоразм вилояти ҳокимлиги Матбуот хизмати.
Бош саҳифага қайтиш
